Concello de Ortigueira

Logotipo Concello de Ortigueira

Saúdo do alcalde

Como alcalde, gústame recibir aos meus conveciños e aos visitantes como se merecen. Por iso, douche a máis cordial benvida a este espazo virtual. Esta web é Ortigueira, a terra do Festival Celta, un lugar de interese natural, un municipio de referencia en materia social e recoñecido pola exemplar recuperación do seu patrimonio...

A través deste portal na rede, coñecerás os principais recursos do concello. Atoparás tamén os camiños para acceder aos diferentes servizos municipais. E, por suposto, poderás colaborar na súa mellora, achegando a túa opinión. Porque esta páxina ten intención de converterse en instrumento de diálogo eficaz entre as xentes de Ortigueira e a administración local.

Pero hai máis. Se non es veciño, a web interesarache dende o punto de vista turístico. Botando man das informacións que ofrece, poderás programar sen problema unha visita á zona: saberás como chegar, onde comer e durmir, o que no podes deixar de ver ou as actividades que non debes perder. En definitiva, será de suma utilidade tamén para ti.

Ortigueira experimentou nos últimos anos unha transformación total. É, neste momento, un concello renovado, novo, digno de ser vivido e, dende logo, de ser amosado ao visitante máis esixente. Invítote a coñecelo.

Rafael Girón
Alcalde de Ortigueira

Rafael José Girón Martínez é rexedor de Ortigueira dende o 20 de outubro do 2007.




© CONCELLO DE ORTIGUEIRA